عبارات مصرية شهيرة

شهر الجمل الذى يقولها الأب والأم فى البيت المصرى

على
مدى سنوات الطفولة والمراهقة يقطع الأبن منزل أسرته رايح جاى وهو يستمع
إلى النصائح والتوجيهات نفسها والتوبيخ نفسه بأساليب وجمل لاتتغير ...حتى
أصبحنا بمرور الوقت نحفظها جيدا ونتوقعها (ونكملها مع أهالينا ) ....

- مش عايزة اسمع صوتك ..وفى هذه الجملة تدريبا مبكرا على تقبل القمع والديكتاتورية اللذين ستواجهما طوال حياتك .!!
- ماتردش عليا ..وهذه نصيحة إذا التزمت بيها ستكسب مديرك فى العمل .
- تقعد فى أول السطر امام السبورة ..وهى جملة تعودك أن تكون من الأوائل خصوصا فى طوابير العيش .
- لو مش فاهم حاجة ..إرفع إيديك للمدرس .ماتنكسفش ..فاكرين المدرس زى زمان .
- اللى بيشيل قربة مخرومة بتخر عليه .
- ومالها الكتب بتاع الوزارة .
- بص كويس وانت بتعدى الشارع .
- ماتتإخرش بعد المدرسة وتقعد تصيع فى الشارع ..وهى نصيحة تجلب لك السعادة الزوجية مستقبلا ..إذا تعودت أن تكون رجلا من الشغل للبيت .
- إفرد ضهــرك .
- مافيش مذاكرة على المزيكا ..او ..بتذاكر إزاى والبتاع ده جنبك .
- ماتمشيش حافى والدنيا ساقعة .
- ربنا بهديك ..ربنا يهديك .
- اطفى التليفزيون وخش ذاكر ..دلوقتى اطفى النت .
- اوعى تقول لحد هات حاجة .
- أقفل صدرك .
- بلاش وقفة الشبابيك والبلكونات .
- كل على مهلك .. امضغ كويس ..هو حد بيجرى وراك ..ماتاكلش وانت واقف .
- كفاية رغى فى التليفونات .
- ماتقعدش ادام المروحة وانت مستحمى .
- المسلسل مش هينفعك ..قوم ذاكر
- وانت فاكر مستنيين منك حاجة
- ماتعليش صوتك وانت بتتكلم
- يا ابنى اللى ذاكر ذاكر ..قوم نام
- بلاش لعب بالمقص ..بيجيب الفقر
- يا ابنى كلم خالتك العيانة اسأل عليها
- اوعى حد غريب يديك حاجة تاكلها أو تشربها وتاخدها منه
- النوم لحد الضهر بيجيب الفقر
- اوعى تكدب عليا تانى
- لازم تاكل سلطة
- لو شفت خناقة مالكش دعوة بيها
- عيب..لازم تحترم اللى اكبر منك
- كلمنا لما توصل
- مالكش دعوة بالسياسة
- بلاش اكل برة
- لو فلحت ابقى تعالى تف على قبرى
- ماتلبس القميص على اللحم زى العيال الصايعة
- انت فاكرنا نايميين على ودنا
- وطى المدعوق ده شوية
- قوم اقرالك كلمتين ينفعوك
- انت فاكرنا لاقيين الفلوس دى فى الشارع
- والله ما انت فالح واهى دقنى أهه
- ماتتكلمش بصوت عالى فى الحمام
- اغسل سنانك قبل ما تنام
- ماتلزقش فى التليفزيون نظرك هايضعف
- ضرب امثلة عن الكفاح وأشهرها ‘ احد الأقارب اللى كان بيذاكر على لمبة جاز ونجح وسافر امريكا
- سلْم على عمك كويس يا ولد
- يا ابنى ماحدش بينفع حد
- ربنا يرزقك بعيل يوريك اللى ورتهولى
- ماتطلعش على الملاية النضيفة ورجلك وسخة
- ماتقعدش عريان كدة قدام اخواتك البنات
- حول القناة دى وبلاش مسخرة وقلة أدب
- طلع إيدك من جيبك وانت بتكلمنى